A HACI BISHITA OFICIAL NA MUCHILA CREATIVO.

ORANJESTAD: Diabierna mainta Minister Endy Croes a haci bishita oficial na Muchila Creativo unda a wordo ricibi pa directora sra. Rose - Marie Provance y docentenan di e scol. Emandatario a haya recorido di e facilidadnan. Despues a sigui cu reunion hunto cu e directiva encarga cu Muchila Creativo unda cu nan a trece nan preocupacion y necesidadnan pa dilanti. Como tambe a elabora riba proyectonan pa futuro di e scol unda cu na ta desea di haya sosten di Gobierno di Aruba. A compati cu e mandatario un otro proyecto cu e scol ta desea di inicia cu ne ora e studiantenan finalisa na Muchila Creativo nan por continua unda cu nan siña mas di un ofishi.

E mandatario a expresa cu pa Gabinete Wever - Croes I y II inclusion ta hopi importante, pa inclui tur hende sin laga ningun hende atras, tur hende tin e mesun oportunidad, Aruba mester ta di nos tur. Inclusion ta e yabi pa aceptacion. Pa aña escolar 2022-2023 un total di 22 hoben entre edad di 16 pa 25 aña lo atende Muchila Creativo.

Finalisando Minister Endy Croes ta gradici directora sra.Rose- Marie Provance y docentenan pe caluroso recepcion. Ta bay traha riba e preocupacionnan pa por resolve esakinan. Palabra di gratitud na cada un di e docentenan nos ta contento y orguyoso cu e trabou cu boso ta desplega.

• 

• 

• 

•