Aruba anfitrion di ‘World Aquatics - Discover Water Country Leads Training’

Oranjestad, Aruba – 25 di februari 2026 — Aruba Aquatics Federation tawata anfitrion di un exitoso ‘World Aquatics - Discover Water Country Leads Training’, cu a tuma lugar entre 20 cu 25 di februari 2026, na cual 22 participante di tur parti di e continente Mericano a atende. Durante e siman aki a enfoca riba e desaroyo di deportenan acuático na nivel basico, e seguridadden awa y alfabetisacion fisico. 

E programa ‘Discover Water’ ta un iniciativa global di World Aquatics diseña pa promove participacion den deporte acuaticoy preveni hogamento, por medio di enfoke basa riba alfabetisacion fisico. Dirigi na muchanan entre 6 y 12 aña, e programa ta sostene educadornan y federashonnan nacional den desaroya confiansa, habilidadnan basico di movecion y comportamento sigur den y rond di awa. E meta ta pa crea un base fuerte pa nos hendenan participa den deporte acuaticodurante ful nan bida, y tambe pa fortalece seguridad di noscomunidad den y rond di awa.

Durante e entrenamento teni na Aruba, e participantenan a wordo prepara pa bira ‘Country Leads’, dunando nan hermentnan practico y strategianan pa introduci y implementa e programa ‘Discover Water’ den nan paisnan respectivo. E entrenamento a enfatisa e impacto sostenibel na nivel di comunidad y tambe colaboracion regional.

Tumando e rol di anfitrion pa e evento aki ta alinea directamentecu e vision strategico di Aruba Aquatics Federation, cual tin como enfoke e desaroyo di hobennan y e participacion na nivelbasico, como fundeshi pa trayectorianan atletico na largo plaso y tambe crecemento nacional den deporte acuatico. Pa Aruba — un isla rondona di awa — garantisando cu muchanan lo desaroya confianza den awa y habilidadnan di seguridad, no ta solamente un prioridad deportivo, sino tambe un habilidad vital pa bida. Fortalese alfabetisacion acuatico for di un edad jong ta contribui na forma un generacion saludabel y resiliente pa futuro.

Como parti di e programa, 50 mucha local a partisipa den un evento comunitario riba 24 di februari. E actividad tawata un combinacion di diversion, educacion y experienciananinteractivo promoviendo seguridad den awa, consenshiambiental y balornan Olimpico manera respet, excelencia y amistad. E evento a refleha e mision mas amplio di ‘Discover Water’: hasi deporte acuatico accesibel, sigur y sostenibel, mientras cu ta empodera hobenan den y rond di awa.

E evento a clausura riba 25 di februari, cu 22 ‘Country Leads’ nobo regresando pa nan paisnan y cla pa expande e desaroyo di deporte acuatico na nivel basico den nan paisnan.

Como anfitrion di e iniciativa regional aki, Aruba a reforsa sucompromiso cu cooperacion internacional, empoderamentohobennan y e progreso di participacion acuatico sigur den nosregion.

Pa tur potret di e evento, bishita e blog ribawww.arubaaquatics.org y e paginanan di Facebook y Instagram di Aruba Aquatics Federation.