Awe ta wordo reconoci como “World Water Day”

Awe 22 di Maart ta wordo reconoci como World Water Day.

Algun Informacion di WEB:

WEB su awa di bebe ta un producto destila, trata cu un proceso di remineralisacion pa absorbe oxigeno y mineralnan importante manera calcium. Esakinan ta duna e awa su smak sabroso y ta bon pa nos salud. Awa di bebe di Aruba ta saludabel pa bebe for di cranchi, no tin ningun riesgo pa salud humano y no tin necesidad di niun tratamento adicional.

Calidad di Nos Awa

WEB Aruba tin proceduranan masha estricto ora ta trata na calidad di nos awa di bebe. Pa e motibo aki nos ta test nos awa diariamente. Pa cumpli cu requisitonan di awa di bebe di calidad halto, nos ta test awa for di puntonan di colleccion estrategico rond di Aruba tur luna.

Continuamente sistemanan automatisa y nos staf operacional ta haci chekeo di varios resultado di e proceso. Nos laboratorio ta controla por ehempel: pH, conductividad y fosfato diariamente, manera por wak den e tabel abou.

Tur luna e laboratorio nacional di Aruba (Landslaboratorium) ta haci test di nos awa na varios punto estrategico ariba e isla. E testnan aki mester mustra cu e awa ta liber di contaminacion bacterial, pa asegura cu e awa ta di nivel mas halto y puro. Adicionalmente e Laboratorio mericano, U.S. National Testing Laboratories Ltd. ta haci un revision extenso di e sistema di WEB su sistema di produccion y distribucion di awa tur aña.