Britannia Damas ta bolbe logra un otro titulo campeonil mas

Britannia Damas ta scirbi otro titulo riba su nomber despues di a gana RCA den Copa Aruba Bank Youth Damas

Cu e score final di 3 - 0, Britannia Damas ta bolbe logra un otro titulo campeonil mas. E Lady Pumanan a demostra un karakter solido y tabata hambra pa logra un otro titulo. Durante e campeonato Britannia a trompica pero den e playoff final aki a demostra cu tur cos ta cuminsa bek na cero. E dos seleccionadonan Bindiya Wadhani y Michaela Netto a contribui grandemente na e victoria di diadomingo anotando tur e tres golnan cu Bindi 2 y Mika 1. RCA di otro banda no a mustra e ekipo batayador cu nos a mira durante henter e campeonato. Awe sin duda tabata falta algo mientras RCA su goleadornan no por a haya e net di Britannia.

Na final Britannia a celebra nan di tantisimo titulo hunto cu nan fanatica.

E directiva di AVB a hasi entrega di e Copanan mas e medayanan na Britannia y RCA. Tambe a reconoce esnan cu e sobresali durante e campeonato aki. Esnan cu a haya premio individual ta Rookie Player - Sharrienne Vrolijk di Dakota, Ellen de Jong di RCA topscore cu 17 gol y MVP di e torneo Youth, Wendylaine Angela di Estrella.

AVB kier a gradici Aruba Bank pa nan confiansa deposita den e campeonato di futbol femenino Youth y Open.

Pabien na ambos organisacion.

#297sports