Bruno Mars ta bolbe prende e scena musical cu e lanzamiento di “I Just Might”.

E promé sencillo di su sperá cuart álbum di estudio, The Romantic, cu lo yega oficialmente e 27 di februari. E estreno, realisá awe, a basta pa yena e plataformanan digital cu reproduccion den cuestion di oranan y pa haci cu su seguidornan celebra e regreso di un di e bosnan mas carismático di e pop contemporáneo. Cu e tema nobo aki, Mars ta laga claro cu su sello ta keda intacto: melodianan envolvente, un interpretacion yen di emocion y e aire clásico cu ta distingui’é.

“I Just Might” ta funciona como un elegante carta di presentacion di loke ta prometé di ta un etapa mas íntimo y sofisticá den e carera di e artista. E cancion ta combina romanticismo, un groove suave y un produccion cuido cu ta recordá influencia di soul y R&B, sin perde e toque moderno cu ta caracterisá Bruno Mars. Leu di busca un impacto inmediato cu ritmo explosivo, e sencillo ta aposta riba conquista poko a poko, laga espacio pa e bos y e historia cu e ta conta.

E anuncio di The Romantic a subi aun mas e expectativa entre fanáticonan y críticonan, cu ta especulá cu e álbum lo marca un giro mas sentimental den su discografía. Despues di añanan di éxito global y colaboracionnan memorable, Bruno Mars ta parse dispuesto pa explora un faceta mas maduro, centra riba amor, nostalgia y emocionnan profundo. Cu “I Just Might” ya ta sonando den tur parti di mundo, e cuenta regresivo pa e 27 di februari a cuminza, y tur indicacion ta mustra cu e capítulo nobo aki por converti den un di e mas sobresaliente di su carera