Cabo Verde, e gigante chikito di Africa cu niun hende a mira bini

Cu un poblacion di apenas 500.000 habitante, Cabo Verde ta scirbi un di e historianan mas inespera di e Mundial 2026. E seleccion Africano no solamente a logra su prome triunfonan den un Copa di Mundo, sino cu ademas e ta mantene su mes den e pelea pa avansa pa e rondanan eliminatorio, convirtiendo su mes den e ekipo faborito di hopi fanatico neutral rond di e planeta.

Un gran parti di e exito di e asina yama Tiburonan Blauw ta wordo splica pa un generacion di futbolista naci of forma den paisnan manera Portugal, Francia y Hulanda, cu a dicidi di representa e tera di nan mayornan y welonan. Su actuacion a bolbe lanta e debate tocante e crecimento di e fútbol Africano y a hiba hopi hende na puntra nan mes si Cabo Verde por converti su mes den e gran sorpresa di e torneo, siguiendo e caminda cu Marruecos a habri ora el a alcansa e semifinalnan na Catar 2022.