Charlie e Dolfijn a fayese ayera nochi.

ARUBA MARINE MAMMAL FOUNDATION

Na sostenedornan, colaboradornan, y e comunidad di Aruba,

Nos ta comparti cu boso un noticia tristo. Ayera nochi, Charlie a stop di por mantene su mes riba awa despues di tawata riba e bon caminda di recuperacion. E tawata compañá cu boluntarionan den awa cu tawata yud'e y percura e no hoga.

Pa 11:35PM, su curason a stop di bati. Charlie a ricibi sosten den awa y no a sufri. Ta danki na tur boso tempo, compasion, y amor duna na Charlie cu e tawata tin un chance mas di bida despues cu e a yega malo y a pega na canto.

Nos a haci tur cos cu nos tawata por pa yuda Charlie. Sumamente agradecido na henter Aruba su comunidad pa e yudansa, curashi, sosten y colaboracion durante e ultimo dos simannan.

Cu Charlie descansa den e olanan den shelo.

Sinceramente,

AMMF y Boluntarionan