China ta anuncia ayudo humanitario di 100 miyon yuan pa Venezuela. Aprox: US$14.7 miyon

Gobierno di China a anuncia cu nan lo brinda un ayudo humanitario adicional di 100 miyon yuan, cu ta aprox US$14.7 miyon pa sostene e esfuerzonan di emergencia y reconstruccion na Venezuela despues di e terremotonan fuerte cu a causa daño extensivo y hopi victima.

Segun e Ministerio di Asuntunan Exterior di China, e contribucion lo consisti principalmente di suministronan di emergencia pa yuda e poblacion afecta, manera alimento, material medico, refugionan temporal y otro recursonan esencial. Tambe a indica cu China ta dispuesto pa sigui coopera cu Venezuela den e proceso di recuperacion. E ayudo ta forma parti di un esfuerzo internacional mas amplio, den cual diferente paisnan y organizacionnan internacional a movilisa recurso humano y material pa asisti Venezuela cu e crisis humanitario despues di e desaster natural.

China a expresa su solidaridad cu pueblo venezolano y a reafirma su compromiso pa brinda sosten den momentonan di necesidad.