Corsou ainda Tin Chens: Ivory Coast ta E Ultimo Obstaculo pa drenta e siguiente rond.

Corsou tin un chens real pa clasifica pa e siguiente rond (rond di 32). Danki na e empate 0-0 cu Ecuador, nan ta sigui bibo den e competencia. Awor tur cos ta depende di e ultimo partido di grupo contra Ivory Coast.

1. E scenario mas sigur:

Gana contra Ivory Coast. Si Corsou logra gana Ivory Coast, nan lo yega na 4 punto. Dependiendo di con e partido entre Alemania y Ecuador termina, Corsou por clasifica directo como number dos di grupo of pasa como uno di e mihor ekiponan cu a termina na tercer lugar.

Den e Mundial cu 48 team, e 8 mihor ekiponan cu termina na tercer lugar tambe ta pasa pa e siguiente rond. Cu 4 punto, Corsou casi sigur tin un lugar den e siguiente fase.

2. Si e partido termina empata

Si Corsou saca un empate contra Ivory Coast, nan lo keda cu 2 punto. E scenario aki ta bira mas complica, pasobra nan lo depende di e resultado nan den e otro gruponan pa mira si nan por pasa como uno di e mihor tercer lugar.

Kico Corsou mester haci?

• Sigui hunga cu e mesun disciplina cu nan a mustra contra Ecuador. Eloy Room y e defensa mester keda firme.

• Anota Goal

• Ivory Coast tin un team lihe, pero si Corsou logra habri e wega marcando goal prome, nan por controla e partido mihor y pone presion riba nan rival.

Den futbol tur cos ta posible. Bo ta kere cu Corsou tin loke mester pa bati Ivory Coast y haci historia?

Ami si ta kere.

Corsou y Ivory Coast ta programa pa diahuebs 25 di juni 2026. E wega ta start pa 4:00 PM AST y ta tuma luagr na Lincoln Financial Field na Philadelphia, Pennsylvania. Esaki ta con e grupo ta para prome cu e ultimo wega aki:

Ivory Coast tin 3 punto (1-0 gana contra Ecuador, 1-2 perdi contra Alemania).

Corsou tin 1 punto (1-7 a perde contra Alemania, 0-0 empata cu Ecuador).