Cristiano Ronaldo ta kibra un otro record: ya el a bira e prome hungador cu a marca Goal den seis Mundial

Cristiano Ronaldo a converti su mes oficialmente den e prome futbolista cu a marca gol den seis diferente Copa di Mundo. Su racha impresionante a cuminsa na Alemania 2006 y a continua na Sur Africa 2010, Brasil 2014, Rusia 2018, Qatar 2022 y awor na Merca, Mexico y Canada 2026.

E gol a yega apenas na e di seis minuut di wega, lantando e euforia di e fanaticonan Portugues y un avalancha di reaccion riba rednan social. Na su 41 aña, Ronaldo ta sigui amplia un legado cu ta parce di no tin limite. Lagando atras un otro marca exclusivo den un carera yen di record. Ademas, e gol a permit’e iguala Eusébio como maximo goleador di Portugal den e historia di e Mundialnan cu nuebe anotacion.