Cu su 22 aña e tin 11 yui. Su deseo ta pa logra haya 100.

Christina Ozturk cu su esposo tin e intencion pa trece 100 yui na mundo. E Pareha Ruso no solamente kier un famia grandi pero tambe tin e gran deseo pa logra e world record y pa hasie imposibel pa e record wordo kibra den futuro.

E storia a bira super popular dia 23 December 2021. Y awe e ta bira un persona super husga den comunidad. Christina ya ta na estado supuestamente pa cu su di 12 Yui.

Apesar di ta riesgo grandi pa cu su salud, Christina a duna di conoce cu mientras su curpa ta duna e lo bai keda purba pa jega su meta.

E world record actual ta di e pareha: Valentina and Feodor Vassilyev na aña 1765 cu un total di 69 yui.