E ALUMNONAN DI SCOL PASO PA FUTURO A RICIBI NAN TICKET PA DISFRUTA DI E MEGA EVENTO JET CAR INVASION NA PALO MARGA.

ORANJESTAD: Minister hunto cu Brazilian Fash Racing Foundation a bishita Scol Paso pa Futuro. En conexion cu e 35 aña di Brazilian Flash a haci entrega di ticket na e alumnonan pa acudi na Caribbean Mega Shootout 2024: Mega Jet Car Invasion cu ta tuma luga e weekend aki. E show tin mas di dies (10) aña sin presenta na Aruba. E organisacion di Brazilian Flash a bishita diferente scol rond di Aruba pa haci entrega di ticket pa e evento aki, unda cu diferente auto y brommer di entre otro, Corsou y Puerto Rico lo ta na Aruba. E atraccion prinical ta e popular Jet Car for di Merca. E hobennan tin e oportunidad pa mira e bunita show aki di Jet Car riba e pista completamente renoba y certifica di Palo Marga. E cabesante y alumnonan tabata sumamente contento cu nan ticket pa por presencia e show. Por ultimo, Minister ta gradici tur stakeholder, patrocinado y Gabinete Wever – Croes II cu ta haci esaki posibel. “Danki pa haci e muchanan contento,” Minister a finalisa.