E Bunitesa Falso. Con AI ta cambia e manera cu nos ta mira nos mes. Un filtro por cambia bo cara y curpa den algun seconde.

Un aplicacion por elimina imperfeccion, cambia bo cuero, modifica bo curpa y hasta crea un version di bo mes cu bo no ta reconose. Awe, cu Inteligencia Artificial, e posibilidadnan ta bira ainda mas grandi.

Nos ta drenta un era unda no solamente nos ta edita nos potret, pero nos por crea un version completamente nobo di nos mes.

E pregunta ta:

Kiko ta pasa cu nos autoestima ora e version “perfecto” cu nos mira cada dia online cuminsa parce mas bunita cu e persona real den e spiel?

Esei ta e parti di e tecnologia cu nos mester stop y pensa riba dje.

E Spiel no ta mas e unico Spiel

Prome, ora bo tabata mira bo mes, bo tabata mira bo mes den un spiel.

Awe tin un di dos spiel: bo telefoon.

E spiel digital por mustra un version di bo cu cuero perfecto, cara difini, djiente blanco, curpa perfecto y hasta un style cu bo nunca tabata tin.

E problema ta cu e version digital por bira e version cu bo ta desea ta real.

Bo ta mira e potret y pensa:

“Si solamente mi tabata asina.”

Pero e persona cu bo ta mira den e potret, no existi di berdad.

AI no ta solamente pone un filtro

E diferencia cu AI ta haci ta importante.

Un filtro tradicional por cambia un tiki e luz of cambia bo color di cuero.

AI por haci hopi mas.

E por cambia caracteristicanan di bo cara y curpa.

Por genera un fondo completamente nobo.

Por cambia bo paña.

Por modifica bo curpa.

Por crea potret nan cu ta parse profesional.

Y cu algun tips, AI por hasta crea un persona cu ta parse completamente real, sin cu e persona ey a existi nunca.

Esaki ta pone nos dilanti di un mundo unda “bunita” por wordo fabricá digitalmente.

Ora perfeccion bira e standard.

E problema no ta solamente cu hende ta edita nan potret.

Hende semper a edita potret. E problema ta cu tecnologia ta haci e perfeccion cada biaha mas facil y mas realista.

Un hende por habri rednan social y mira cara cu no tin ni un imperfeccion.

Cuero sin marca.

Cara sin lachi.

Nanishi perfecto.

Lip perfecto.

Curpa perfecto.

Cabey perfecto.

Despues e hende ta wak su propio cara.

Y e por cuminsa pensa:

“Algo ta robes cu mi.”

Pero nada ta robes cu ne. E problema ta cu e standard cu e ta compara su mes cu ne no ta humano.

E peligro pa nos mente.

Nos celebro ta mira imagen constantemente.

Mas nos mira un cierto tipo di bunitesa, mas normal e por cuminsa parce.

Si tur dia bo ta mira cara cu cuero perfecto, eventualmente bo cara natural por parce “malo”.

Si tur dia bo ta mira curpa cu proporcion cu no ta comun, bo propio curpa por parce “incorrecto”.

Asina, AI por cambia no solamente e potret.

E por cambia e manera cu nos cerebro ta defini bunitesa.

Y esaki ta hopi delicado, paso e por afecta bo slud mental y autoestima.

“Mi ta bunita solamente cu filtro?”

E pregunta aki por bira un realidad pa hopi hende:

“Mi ta gusta mi cara, of mi ta gusta e version cu e app a crea?”

Ora un persona ta uza filtro constantemente, e diferencia entre realidad y imagen digital por bira cada biaha mas grandi.

E persona por cuminsa evita potret sin filtro.

Por sinti verguensa di su cara natural.

Por no gusta di wak sum es den spiel.

Por busca tratamento cosmetico solamente pa acerca su mes na e imagen digital.

Y esaki ta unda e tecnologia por bira mas cu entretenimiento.

E por bira un fuente di inseguridad.

E bunitesa ta bira global

Un otro cambio importante ta cu AI ta yuda crea un standard di belleza cu por pasa frontera.

Tur hende ta comparti e mesun imagennan perfectonan.

E resultado?

Un standard di belleza cu ta bira cada biaha mas global, pero cu no ta necesariamente realista pa ningun persona.

E diferencia cultural ta perde terreno, mientras e “cara perfecto” digital ta bira cada biaha mas comun.

E problema no ta AI

AI mes no ta e enemigo.

Inteligencia Artificial por haci cosnan extraordinario.

E por yuda den medicina.

E por yuda studiante .

E por crea arte.

E por yuda negoshi.

E por haci trabou mas facil.

E problema ta con nos ta usa e tecnologia y con nos ta permitie influencia nos manera di mira nos mes.

Nos mester redefini bunitesa

Quizas e momento a yega pa nos cambia e pregunta.

No:

“Con mi por bira mas perfecto?”

Pero:

“Con mi por sinti mas comodo cu ken mi ta?”

Bunitesa no mester ta ausencia di imperfeccion.

Bunitesa por ta un sonrisa cu no ta simétrico.

Un cuero cu tin marca.

Un nanishi cu no ta “perfecto”.

Un curpa real.

Un cara cu ta cambia cu edad.

E cosnan ey no ta defectonan.

E ta parti di nos humanidad.

Prome bo edita bo potret, pensa un rato

E siguiente biaha cu bo ta usa AI pa cambia bo apariencia, no tin nada robes cu ne

Goza.

Experimenta.

Crea.

Pero corda:

E version edita no ta e version cu bo mester bira pa bo tin balor.

Bo no mester lucha pa parce un imagen cu un computer a crea.

Bo no mester mira bo mes den spiel y sinti cu bo ta “menos”.

Pasobra AI por crea un cara perfecto.

Pero AI no por crea bo historia.

E no por crea e momentonan cu bo a pasa.

E no por crea bo personalidad.

E no por crea e manera cu bo ta haci otro hende sinti.

E cosnan ey ta haci bo unico.

E pregunta cu nos mester haci

Nos ta drenta un mundo unda tecnologia por crea casi cualke tipo di bunitesa.

Pero e reto di mas grandi no ta si nos por crea un persona perfecto.

E reto ta si nos por keda contento cu nos mes den un mundo cu semper ta bisa nos cu nos mester cambia.

Pasobra e bunitesa mas peligroso no ta e filtro.

No ta e potret edita.

No ta e AI.

E peliger ta ora nos cuminsa kere cu e version falso ta mas digno di amor cu e version real.

Y talvez, den un mundo cu cada biaha ta bira mas artificial, e acto mas revolucionario cu un hende por haci ta simplemente mira den e spiel...

sin filtro, sin AI, sin edicion... y bisa:

“Mi ta bon manera mi ta.”