E Enemigo Invisibel

Den bida nos tur tin deseonan grandi pa logra nos metanan. Nos kier tin un bon trabou, bon entrada, bon relacion etc. Pero hopi di nos ta pasa den retonan asina grandi cu ta pone bo duda den bo mes como un persona. Tin biaha e situacion di bida ta pone bo sinti fada di bida. Tin dia cu bo no kier lanta di cama y no tin e gana pa comunica cu niun hende. Tin dia bo ta sintimi asina bo so, cu bo no kier kere palabra di niun hende cu ta purba motiva bo.

E enemigo Invisibel cu ta presente den nos bida tur dia y nos no ta ripara cu e enemigo ey ta nos mes. E Voz den bo cu ta ripiti tur dia cu bo ta mahos, e voz cu ta bisa cu bo ta un mal mama of tata Of tambe cu bo no ta bai logra un proyecto. E Voz den bo cu tin biaha bo ta dune rason.

E Voz ey ta e enemigo di mas grandi te ora bo siña domine. Hopi biaha nos kier sconde e realidad sin traha riba nos mes. Nos no kier admiti cu Voz ey ta nos enemigo mayor. E ta importante pa bo conose bo mes mihor y tambe siña domina e voz negativo aki.

Con pa domina e Enemigo Invisibel?

E momento cu e voz bisa algo negativo, cuminsa pensa riba cosnan positivo cu bo a ligra den bida. Practica esaki mas cu bo por..

E ta simpel pero hopi efectivo.