E miho Landadonan di Open Water di Aruba ta Cla pa Surfside e Diadomingo Aki!

E diadomingo aki, Surfside Beach lo ta e escenario pa e Campeonato Arubano di Open Water, caminda landadonan di henter Aruba lo bataya pa e titulo maximo di Campion di Open Water di Aruba!

Cu caredanan cu ta varia for di 1K te cu e reto grandi di 10K, e espectadornan por spera un mainta emocionante, yen di resistencia, determinacion y competencia di alto nivel.

Horario di Careda

8:00 AM – 10K

8:05 AM – 1K

9:00 AM – 5K

9:05 AM – 3K

Aruba Aquatics Federation ta invita pueblo en general pa bin duna sosten y encurasha nos atletanan mientras nan ta enfrenta e awanan di Surfside y representa nan clubnan cu orguyo.

Nos ta pidi tambe na doñonan y operador di boto pa tene extra cautela den e area di Surfside durante oranan di mainta, mirandocu e ruta di e competencia lo ta activo. Boso cooperacion ta yuda garantisa un evento seguro y exitoso pa tur participante.

Bin apoya e landadonan di Aruba y presencia coronacion di nosproximo Campionnan di Open Water!

Surfside Beach

Diadomingo, 14 di juni

E prome careda ta cuminsa pa 8:00 AM

Ban topa na lama!