El Niño por trece calor extremo y secura, DVG ta conseha comunidad pa ta prepara.

2 days ago
2 min read

Segun e ultimo informacion climatologico internacional, tin posibilidad cu e fenomeno natural 'El Niño' lo sigui desaroya durante e proximo lunanan di aña 2026-2027 den un fenomeno extraordinario cu por trece cu ne efectonan peligroso y hasta destructor pa cierto region.

Aunke 'El Niño' ta forma den Oceano Pacifico, su efectonan por wordo sinti den diferente parti di mundo, incluyendo Caribe. P’esey Directie Volksgezondheid (DVG) ta informa comunidad cu Aruba por bay experiencia, den e lunanan cu ta sigui, temperaturanan mas halto cu normal, periodonan mas seco y mas riesgo pa problema di salud relaciona cu calor.

Temperaturan halto por aumenta e riesgo di deshidratacion, desanimacion y

cansancio door di calor y otro complicacionnan di salud, specialmente pa:

👉Muchanan chikito

👉Personanan di edad avansa

👉Hende cu condicionnan di salud cronico

👉Hende muhe na estado

👉Persona cu ta traha pafo den solo

DVG ta anima comunidad den e siguiente lunanan pa:

✅Bebe awa frecuentemente durante dia, aunke cu kisas bo no tin sed.

✅Evita actividad fisico intenso durante oranan di mas calor (11am pa 2pm ).

✅Uza paña color cla y di tela fini.

✅Uza 'sunblock' spf 30 of mas y reaplica durante dia.