Falta 1 siman pa Vibra Latina Festival 2026 cu Carlos Vives, Dalvin la Melodia y Kevv

Abo ta cla pa e prome festival di aña? Abo ta cla pa baila sin stop? No falta hopi, pero falta 1 siman mas p’e Vibra Latina Festival 2026 cu ta tuma luga diasabra 28 di maart na Harbor Arena Aruba. Un line up bon varia di diferente genero musical tin e anochi aki.

Hopi ta esunnan cu ta cla pa mira, scucha y baila e canticanan di Carlos Vives, Dalvin La Melodia y KEVV, sin lubida nos bandanan local Tsunami y Buleria. Tambe e anochi aki e ambiente musical no lo stop, pasobra e miho DJnan lo ta presente. E DJnan di e anochi aki DJ Sky, Dr Eli, DJ Mark Benson, DJ Andrew Mix, DJ Golden y DJ Sin Nombre.

Ticket bayendo lihe

Pero wak pa bo no keda afo, pasobra e ticketnan ta bayendo lihe. Ya caba e seccionnan di Platinum y Gold Plus ta sold out, completamente bendi. Ainda tin algun ticket pero pa e seccionnan di Standing VIP y general. Abo kier haya mesa ainda? Awel ainda bo por haya mesa Silver di seis hende y Gold di dies hende.

Pasa na Citgo Blvd., Citgo Essoville of via pay.aw y busca bo ticket cu ta bayendo manera pan cayente. Pa seccion di pa mesa, whatsapp na +297 569 3005.

Yen turista na caminda

Danki na tur e mercadeonan haci na Merca y Latino America pa Vibra Latina Festival 2026 a lanta interes di hopi hende. For di Corsou e vuelonan ta sold out tanto riba diabierna y diasabra. E cantidad di turista cu ta na caminda ta bon pa nos turismo.

Tambe ta conta cu presencia di prensanan renombra manera RCN, Telemundo, Caracol, Univision, El Tiempo. Nan lo ta presente pa duna cobertura di e prome festival di aña.

Asina ta busca bo ticket pa bo ta den Vibra Latina Festival 2026 pa bo baila sin stop, pa bo disfruta sin stop, specialmente pa bo pasa un momento agradabel e anochi aki. E evento ta 16+.