Libertad di Prensa: Mi opinion Personal. (Click aki y lesa mas.)

Awe ta dia mundial di Libertad di Prensa. Mi a yega di forma parti den varios Medianan aki na aruba. Pero hopi poco medianan por a separa nan realidad politico cu e realidad cu ta tumando lugar. E ta un lastima pa mira con poder politico tin varios medionan di comunicacion den nan gara. Hopi medianan cu potencialnan fuerte, awe ta conoce caidanan grandi pa ta medionan comprometi. E la bira asina erg cu algun di nan ta cumpra views pa mustra grandi y ta hunga intresante cu algun $ extra y ta manipula views.

E ta tristo con bo por gaña comerciante y sigur manipula cu un fake platform.

Libertad di prensa mester ta algo bunita, y alaves algo realistico. Caminda ta informa debidamente y ta informa nada mas cu e berdad. Ora bo ta maneha un Media bo opinion personal no ta relevante. Bo mester corda cu bo ta informando un pueblo. Desde ki dia prensa a bira dictadura of mihor bisa manipula storianan.

Den e temponan cu ami a forma parti di diferente medionan, nunca mi no a mira un manipulacion politico asina fuerte den media.

Nunca media no a baha di e nivel aki. E ta tristo pero e ta un realidad.

Pa e coleganan cu si ta dedica nan mes y ta presenta e informacion corecto. Mi kier a felicita bosonan ariba boso dia. E no ta un trabou fasil y mucho menos e faborito. Pero e ta un trabou Bunita!