Logro grandi pa bolichero Yannick Roos na Merca

Yannick a clasifica pa e asina yama Intercollegiate Singles Championships cu un total di 6 game di 1272 pin den e Smyrna, TN sectional. E logro aki segun nos a bin compronde ta uno grandi mes mirando cu Roos ta un di e tiki bolicheronan cu a logra sigui pa e Nationals.

Yannick Roos ta un seleccionado di bowling y a representa Aruba den varios torneonan importante den nos region y continente. Yannick ta studiando na Merca unda e ta combina su scol cu e deporte di bowling.

Pabien y exito Yannick.

#297sports