Mayor, abo sa unda bo yui menor di edad ta sali y cu ken?

Libertad ta algo cu nos tur merece y ta desea den e bida aki. Pero libertad tambe tin su limite y mester wordo permiti of duna pero cu un control. Na Aruba hopi mucha muhernan y mucha homber entre 15-17 aña ya ta riba caya ta consumi alcohol. Hopi ta uza e pretesto cu nan ta bai e famoso cinema of keda na un amiga/o. Pero con sigur bo por ta cu bo yui lo bai ta responsabel suficiente pa no gaña bo?

Confiansa.

E contesta ta bin di biaha, mi a lanta mi yui cu confiansa y siguridad. E sa kiko ta bon y malo. CORECTO! Pero permiti bo yui menor di edad sali su so ya ta un prueba di confiansa. Pero mester mantene regla. Y si regla no wordo cumpli mester bin diciplina.

Bo ta na tempo ainda pa educa y purba guia bo yui pa ta un mihor persona. Corda bon! Si bo yui ta dispuesto di gañabo pa e por sali trip, e lo ta dispuesto pa gaña ken cu ta den bida basta cu e lo por logra su meta. Educacion ta cuminsa na cas, tuma control y sea un Mama/Tata responsabel.

Demostrando amor na bo yui no ta dunando e libertad sinoh educando e.

I