NATHAN BAIZ Y REDA BOUHKIM TA TRIUNFA PA ARUBA DEN ABC CUP NA BONEIRO

Cu un orguyo enorme pa nos isla, e duo Arubiano di beach tennis, Nathan Baiz y Reda Bouhkim, a conkista e titulo maximo den e prestigioso torneo ABC Cup cu a tuma lugar na Boneiro.

E atletanan a sa di domina e santo blanco di Boneiro cu un esfuerso y disciplina ehemplar, hibando e medaya di oro pa cas y reconfirmando e nivel halto di beach tennis cu Aruba tin den e region di Caribe. Durante henter e competencia, e duo a mustra un sincronisacion perfecto y un tecnica impecabel cu a laga e publico y nan oponentenan impreshona.

Den e momento di victoria, e duo orguyosamente carga e bandera di Aruba, simbolisando e determinashon di nos hobennan den deporte internacional. E triunfo aki ta un logro significativo pa e deporte di beach tennis na Aruba y un inspiracion pa tur nos atletanan cu ta representa nos isla den exterior.

Aruba completo ta celebra e victoria aki di Nathan y Reda, kendenan a bolbe cas como campeonnan di e ABC Cup Boneiro.