Patrick Groters ta pone record Panamericano

Patrick Groters ta pone record Panamericano y como tambe di Aruba den 200m lomba

Despues cu mainta e landador Patrick Groters a logra clasifica cu un tempo di 02:03.55 cu a dun’e un lugar den e Final A y como tambe e honor di ta e prome persona pa establece un record den 200m lomba cu su tempo.

Tur wowo tabata riba dje den lane 4 den e final A. Patrick a inicia cu un bon pace y den e ultimo 50m a logra pasa e atleta di Mexico cu tabata den e lane 3 y ta logra pone su tempo di 02:01.78 cu ta establece su nomber como record holder den 200m lomba den Weganan Panamericano Junior y como tambe Record Local di Aruba.

Patrick tin tres disciplina pa landa den e siguiente dia nan, cual ta 400m IM, 200m IM y como tambe 100m lomba.

Pabien na e atleta Groters pa cu e medaya di oro y como tambe Aruba su prome medayista di oro den e competencia aki.