Pensa prome cu bo papia

Tin biaha nos ta expresa palabranan cu por hasi hende hopi daño. Bo ta conciente cu bo palabranan tin poder y por afecta bida di un otro persona pa semper!?

Tin persona cu ta tuma sierto palabranan hopi na pecho y por afecta nan pa un tempo largo of pa semper. Hopi hende tin e tendencia di insulta un hende ora nan ta rabia sin pensa e efecto cu nan por causa. Mester corda bon, desde e momento cu e palabra sali di bo boca.. tur cos ta bai cambia. Sea pa algo bon of malo. Tin biaha mester pensa si ta nesesario duna sierto comentarionan. Expresando sierto cosnan na un persona realmente tin algun beneficio pa bo bida?

Mescos cu bo por laga un persona sinti bon, bo por distrui un bida.

Sea inteligente cu bo palabranan y ta consiente di loke bo ta papia cu hende.

Corda Bon: “no ta paso un palabra ta wordo bisa esey kiermen cu e ta berdad”.