Rich Kalash a yega Aruba pa concierto di diasabra anochi.

Diahuebs atardi for di Hulanda a yega Aruba e famoso artista urbano Rich Kalash. Despues di hopi aña y hopi expectativa e artista lo ta den concierto diasabra anochi dia 20 di december 2025. Esaki lo ta parti di e 'HeatWave Concert' hunto cu e artista di reggaeton Ryan Castro den Harbor Arena. Rich recientemente a kibra tur recorda na Corsou ora cu e concierto tabata tin aproximadamente 15.000 persona den e 'Curacao Festival Center.' Aki na Aruba e show lo ta uno mesun grandi cu diferente cambio di paña, e efectonan visual y tambe diferente bailado (dancers). Sigur esaki lo ta algo unico pa experencia. Un artista di nivel presentando exitonan na Papiamento.

Durante e anochi aki tambe tin hopi fanatico lo ta presenta pa mira Ryan Castro. Un cantante den e genero di reggaeton pero tambe recientemente 'dancehall.' Hopi exito tanto su album nobo como esnan di pasado a produci. Ryan Castro lo ta yegando Aruba diasabra cu un avion priva. Portanan ta habri pa 7or di anochi y lo tin musica di diferente di nos djnan local manera Dj Sky, Nutzbeatz, Dj Kash, Essovilla y mas. Tambe lo tin animacion di entre otro Mc Choco, Nixon Joseph, Mc Cuco y mas. Ainda tin algun carchi disponibel den seccion di Standing VIP y General na Citgo Boulevard, Tilted Premium, Pay.aw y via website www.eliteempire.events

Pa loke ta e seguridad esaki lo ta un nivel hopi halto, Tanto e team di seguridad di e evento cu bon coperacion cu Cuerpo Policial lo percura pa e evento bay den un bon forma. Ta invita tur persona pa sigi e pagina di Elite Empire riba social media pa mira e reglanan cu lo conta diasabra anochi. Manera ta custumber cuminda no lo falta durante e anochi cu e.o KFC, Chichi's Grill, Toko San Nicolas, Candela, Ruiz, Dolce Express y Salty Local. E diferente barnan lo ta bon surti tambe cu e productonan di Tropical Bottling Company manera Balashi, Gregoose, Dewars, D'usse y mas.

Heatwave Concert ta un produccion di Elite Empire Entertainment, Tilted Premium y Salty Local. Powered by First Class Experience Aruba, Jardin Local, The Penthouse, KFC, Amigo Rent a Car, D22, Pay.aw, Balashi, Dewar’s, Coca-Cola,  Tropical Bottling, Wilkin Carillo, Royal, Jewels & Diamonds, Awoo Team, Kini Kini Transfer & Tours.