RING OF FIRE: E ZONA DI CANDELA CU TA SACUDI MUNDO

Rond e Oceano Pacífico tin un enorme zona geologico cu ta conoci como e “Ring of Fire”, of Renchi di Candela. E area ta uno di e luganan mas activo di planeta ora ta trata di temblor y actividad volcanico. Segun e U.S. Geological Survey (USGS), e zona ta forma rond e Placa Pacífico, unda diferente plachinan tectonico ta encontra i ta move constantemente.

E nomber “Ring of Fire” por zona manera algo sali for di un película, pero e fenomeno ta completamente real. Aproximadamente 90% di e temblor nan di mundo ta pasa den e faha rond di Pacifico.

Kiko ta pasando actualmente?

Durante e ultimo dianan, diferente regionnan den y rond e " Ring of Fire" a registra actividad cismico i volcanico.

Na Guatemala, e volcan Fuego a aumenta su actividad na inicio di augustus. Autoridadnan a ordena evacuacion di aproximadamente 1,700 persona, mientras nan tabata prepara pa e posibilidad di mas shinishi, lava y lodo, coriente peligroso di lama, shinishi y piedra volcanico cu por move rapidamente durante yobida fuerte.

Na e otro banda di Pacifico, Indonesia, un pais cu ta situa directamente riba e Ring of Fire, tambe a experimenta actividad volcanico recientemente. E pais tin aproximadamente 120–130 volcan activo, un di e mayornan concentracionnan di volcan di mundo.

Recientemente tambe a wordo registra varios temblor den e region di Filipinas, mientras un temblor di magnitud 6.3 a sacudi un area apart cerca di New Zealand.

Pakiko tin tanto actividad aya?

E respuesta ta den e plachinan tectonico .

Bou di e superficie di nos planeta tin plachi nan grandi di piedra cu ta move poco poco. Rond Pacifico, diferente di nan ta pasa, separa of bou di otro.

Ora un plachi ta move bou di otro, un proceso cu ta yama subduction, por genera temblornan grandi y alimenta sistema volcanico. E interaccion aki ta e razon principal pakiko e Ring of Fire tin tanto actividad.

E no ta un solo volcan of un solo temblor.

E Ring of Fire ta un sistema geologico grandi cu ta extende desde partinan di Zuid y Noort America, pasando pa Alaska i Aleutian Islands, y sigui rond pa Kamchatka, Japón, Filipinas, Indonesia, New Zealand i otro regionnan den Pacifico.

E actividad aki ta nifica cu un gran desastre ta yega?

No necesariamente.

E hecho cu tin varios temblor y erupcion den e Ring of Fire no ta nifica automaticamente cu un temblor gigante of un super erupcion ta bai pasa.

USGS ta enfatisa cu temblor nan no por wordo predici cu precision, ni e dia, ni e lugar, ni e magnitud.

Ciencia no ta duna evidencia cu actividad normal den e Ring of Fire por wordo usa pa predici un evento specifico.

E peligro no ta solamente temblor.

Un temblor duru bou di lama por genera un tsunami si e movimiento desplaza suficiente agua.

Erupcion volcanico tambe por causa shinishi, lava, gas peligroso, yobida di piedra y lodo. Esakinan por afecta comunidadnan cu ta biba relativamente leu for di e krater.

Pa paisnan cu ta situa den e Ring of Fire, preparacion ta esencial: sistema di alerta, plan di evacuacion, educacion publico y monitor constante por salba bida ora un evento grandi pasa.

Un planeta cu nunca ta completamente trankil

E Ring of Fire ta recorda nos cu Tera ta un planeta dinamico.

Bou di nos pia, plachi tectonico ta move continuamente. Normalmente, nos no ta sinti e movimento. Pero ora e energia acumula y ta wordo libera, nos por sinti e poder di Tera den forma di temblor of erupcion.

E actividad reciente den diferente partinan di e Pacifico ta merece vigilancia, especialmente pa comunidadnan cu ta biba cerca di volcan activo i zona císmico.

Pero no tin evidencia actualmente cu e actividad aki ta indica cu “e Ring of Fire ta bai explota” of cu un desastre mundial ta bai pasa.

E realidad ta suficiente impresionante: nos planeta ta sigui move, i e Ring of Fire ta un di e luga caminda e moveshon aki ta mas evidente.