Talento local ta briya durante clausura di ‘Fashion Workshop 101’ na Cas di Cultura

ORANJESTAD, ARUBA – Despues di un trayecto intenso di dos luna, e participantenan di e Fashion Workshop 101 a clausura nan training cu un presentacion espectacular di nan coleccionnan. E proyecto aki, cu a wordo realisa den cooperacion cu Cas di Cultura y Sede di Aruba, tabatin como meta principal pa duna e diseñadonan emergente e hermentnan necesario pa drenta e industria di moda profesionalmente.

Durante e ocho simannan di e curso, e cursistanan no a siña solamente e parti creativo di diseña, sino tambe e parti fundamental di negoshi. E training a enfoca riba:

• Collection Conception: Con pa desaroya un idea te bira un coleccion completo.

• Branding & Marketing: E importancia di crea un identidad unico pa nan mesun marca.

• Upcycling: Un enfoke sostenibel unda a traha cu materialnan vintage y "deconstructed" pa crea piezanan nobo y innovativo.

E instructor y coordinador di e proyecto a expresa su satisfaccion cu e nivel di e participantenan: “E meta tabata pa nan solidifica nan mes como marca. Nan a ricibi e hermentnan pa nan sa 100% ken nan ta como creativo y pa nan por lansa nan mes den e industria aki cu confiansa.” E anochi di clausura tabata un celebracion di autenticidad y creatividad local. Banda di e diseñadonan, un team completo di modelonan, profesionalnan di e mundo di makihahe y peinado a uni forsa pa presenta un show di un nivel halto. E mensahe final pa e participantenan y e comunidad creativo di Aruba tabata un di stimulo: "Si bo tin un soño, no keda sinta. Bo mester move, bo mester pensa, y bo mester soña pa e cosnan aki por bira realidad."

• 

• 

• 

• 

• 

• 

• 

• 

• 

• 

•