Tata ta esun cu ta cria, duna amor y atencion. No esun cu a Traha.

Famia nan ta kibra y yuinan ta keda afecta.

E procentahe di separacion familiar aki na Aruba ta hopi halto.

Mayoria biaha ta e mama ta esun cu ta keda cu e yui(nan).

Hende mester compronde cu na e momento cu bo tene relacion sexual bo ta core e risico di bira mama of tata. Ami ta pensa cu un persona mester ta responsabel pa su acto nan.

Apesar cu bo no ta stima e persona aki mas, bo mester tuma bo responsabilidad.

Un yui no ta un error, un yui sin planificacion ta bo iresponsabilidad como persona.

Un yui no ta culpa di un relacion of matrimonio fracasa.

E yui no tin culpa di a nace den un ambiente toxico of iresponsabel.

Mama nan cu ta gara e responsabilidad como mama soltero y ta dispuesto pa sacrifica pa nan yuinan ta e ehempel mas grandi di Amor.

Na Aruba tin hopi tata ta un bon stiefvader pero un mal tata.

Ta dispuesto pa impreciona e yui nan di otro pa conkista e dama nobo.

Hopi tata ta lubida cu un yui no ta pidi bo material. ( Apesar cu e ta un nececidad)

Un yui mester di Cariño, Atencion y Guia.

Mi No ta Cla pa bira un tata?

Si bo no ta cla pa bira un tata e ora bo no ta cla pa tene relacion sexual tampoco.

Apesar cu bo por uza proteccion, pero semper corda cu nada no ta 100% garantisa.

Sea un hende responsabel. Tata ta esun cu ta Cria, Duna Amor y Atencion no esun cu a Traha.