A duna reconocemento y homenahe na sr. Alberto ‘Betto’ Roga.

Diasabra siman pasa nos tabata presente na Barcadera pa un ocasion hopi special unda. Den un ambiente festivo memey di famia, amistadnan, ex–hungadonan di baseball a dedica e anochi special aki na honor di sr. Alberto ‘Betto’ Roga kende tin un trayectorio impresionante den e mundo di baseball cu hopi titulonan di campeon cu entre otro ekipo di Aruba Rotary. Sr. Roga tin tambe un enorme dedicacion como boluntario y a dedica su bida pa educa hobennan hunga baseball.

Den presencia di su esposa, yuinan, amistadnan y ex hungadonan di baseball e mandatario di deporte a haci entrega di e reconocemento di ‘Baluarte di Deporte’ na e legendario sr. Betto Roga. Nos ta gradici Betto pa su dedicacion y aporte den deporte di baseball na Aruba.

Minister Endy Croes a gradici famianan pa e invitacion y bunita recepcion alabes ta duna palabra di gradicimento y pabien na su esposa y yuinan kendenan semper a sostene sr. Betto Roga aña aden y aña afo. Danki Betto pa bo tremendo aporte incondicional na deporte. Danki na tur esnan cu a organisa e tremendo anochi aki.