Aruba Athletic Federation cu full un siman di AAF Aruban Games.

Ya for di diamars, e federacion di atletismo a inicia cu e AAF Aruban Games 2023, cual ta e prome careda oficial di anja 2023. Mester bisa cu varios club a hasi acto di presencia den tur e dianan aki, faltando dos dia mas pa bay. Nos di 297sports a pasa awe diahuebs unda nos a mira e eventonan di Sprint, Mid Distance y tambe Long Distance. Sin duda nos a mira un tremendo evento unda nos atletanan tur a luci.

Tanto majan diabierna como tambe diasabra e AAF Aruban Games lo continua den stadion Guillermo Trinidad na Dakota.

Majan nos lo publika e resultadonan mas algun imagen mas. #297sports