Aruba Marriott complex a clausura nan 3-kamp cu un tremendo weganan di kickball.

Un total di 13 team di diferente departamento di Aruba Marriott complex a participa diabierna anochi na Juventud Tanki Leendert clausurando asina e 3-kamp cu a inicia cu volleyball sigui pa bollas criollas y kickball.

Team nan cu a hunga final di e kickball tabata Nutz & Boltz (Engineering Resort) contra Bin Bon Of no Bin Mes (Engineering Surf Club) unda e team di Bin Bon of No Bin Mes a bay cu e titulo di campeon.

E campeonato di kickball a wordo habri pa General Manager, Raoul Lemmeling y director di engineering complex Lucho Croes.

Un pabien na Aruba Marriott complex cu un 3-kamp super exitoso pa tur nan empleadonan. Un bunita manera pa uni mas ainda nan empleadonan pa cu otro y den un forma sano cu actividadnan deportivo.

#297sports