Aumento di biento ta trece mas stof y kehonan respiratorio.

Directie Volksgezondheid (DVG) ta informa comunidad cu debi na aumento di biento den e dianan aki, tin mas stof y particulanan den aire. Esaki por causa diferente tipo di molestia pa salud, specialmente pa personanan cu alergia, sinusitis, asma of otro problema respiratorio.

DVG a nota cu hopi hende ta kehando di:

●Nistermento frecuente

●Wowo irita of cu ta basha awa

●Garganta seca of irita

●Tos seco

●Dificultad pa hala rosea

●Nanishi cera

●Reaccionnan di alergia

Pa proteha bo mes y bo famia durante e periodo di hopi biento y stof, DVG ta conseha comunidad pa:

●Durante momentonan di hopi biento, mantene porta y bentana cera mas tanto cu ta posibel.

●Uza bril di solo pa proteha wowo.

●Bebe suficiente awa durante dia.

●Evita actividadnan pafo den momentonan cu e biento ta hopi fuerte.

●Laba man regularmente y haci cas limpi di stof.

●Personanan cu asma of alergia mester sigui nan tratamento y tene nan remedinan cerca.

●Busca conseho medico si sintomanan bira mas fuerte of persisti.

●Mayornan mester pone atencion extra na muchanan y personanan mayor cu problema respiratorio.

DVG ta sigui monitor e situacion climatico y su posibel impacto riba salud publico. Comunidad ta wordo conseha pa sigui canalnan oficial di Directie Volksgezondheid pa informacion y aviso adicional di salud.

Bo Salud, nos Prioridad

Pa keda semper bon informa:

✅Like nos Facebook page Directie Volksgezondheid DVG Aruba

✅Follow nos riba Instagram directie_volksgezondheid_aruba

✅Check Aruba Health App

✅Subi nos website www.dvg.aw

✅Yama nos na 5224200

✅Mail nos na servicio@dvg.aw

✅Check nos WhatsApp Channel

✅Join nos WhatsApp Communities https://chat.whatsapp.com/F7uEhpf8tXoLf3q91HBr5G

#DVGAruba

#InformacionCorectoDecisionnanResponsabel

#BoSaludNosPrioridad