Australia ta bira e prome pais na mundo pa prohibi medionan social pa esnan bou di 16 aña

Australia a hasi historia dor di bira e prome pais na mundo pa implementa un prohibicion legal riba uso di medionan social pa esnan bou di 16 aña. Entrante e luna aki, mucha i hobennan ta prohibi di tin cuenta riba plataformanan manera Instagram, TikTok, Facebook, X, y Snapchat. E lei ta rekeri companianan di teknologia pa verifica e edad di usuarionan y ta impone multanan pisa riba plataformanan cu no ta cumpli. E gobierno di Australia ta declara cu e medida tin como meta pa protrha e salud mental di hobennan for di adiccion digital, intimidacion sibernetico y ekspodicion na contenidonan dañino.

E desicion a lanta un debate internacional mesora. Mientras cu hopi mayor i experto ta celebra e medida como un paso nesesario pa proteha menornan di edad, otronan ta cuestiona si di berdad lo ta posibel pa controla access den un mundo caminda technologia ta facilmente disponibel. Fuera di e contravercia, Australia a lanta un pregunta incomodo tocante e impacto real di medionan social ariba e bida diario di mucha i hobennan. E efectonan di e ley aki ya caba ta wordo sinti pafo di e pais. Suesia, Dinamarka, Fransia i Malaysia ta considerando proposicionnan pa hisa e edad minimo of rekeri verificavion obligatorio di indentifsd riba medionan social, aunke nan no a aproba prohibicionnan completo ainda. Australia a habri caminda, pero mundo ta wak di aserka. E pregunta ta keda: Esaki ta un medida nesesario pa proteha hobennan... of e comienso di un debate tocante con leu e control digital mester bai?