Bautismo di e uniform nobo di e ekipo di Futbol “Nacional Bon Bini Cargo U7

Recientemente a tuma luga bautismo di e uniform nobo di e ekipo di Futbol “Nacional Bon Bini Cargo U7.

Palabra di gradicimento ta bay na Bon Bini Cargo y su Gerente Sr. Don De Veer cu a deposita nan confiansa den e muchanan di Nacional U7 como sponsor di un bunita uniform y cu ta kere den e organisacion y cu kier inverti den nos muchanan cu ta futuro di Aruba.

Gradicimento special ta bay tambe na coachnan Sr.Hennie Prins y Sr.Roderick Lampe y teamleidster Sra.Elizabeth Maduro pa nan tempo liber cu nan ta dedica na e muchanan.

Bestuur di Nacional Hubenil Sra. Edeline Weller a entrega un obsequio na Sr. De Veer pa su aporte.

Presente tabata tey Directiva di Bestuur di Nacional Hubenil, Sr. Orlando Hoevertsz y Sr. Carlos Maduro

Danki grandi na e mayornan y famia cu ta sostene e organisacion di Nacional.