E di 60th AAF National Championship 2022 a inicia den stadion Guillermo Trinidad na Dakota.

E campeonato nacional di atletismo a inicia awe diamars den stadion Guillermo Trinidad. Prome cu e inicio a tene un ceremonia di desfile cu tur e clubnan miembro di AAF cu durante 4 dia largo lo competi na e campeonato nacional.

Un pa un e clubnan a ser yama padilanti y cu hopi grito y aplauso nan a ser ricibi den stadion. Despues a sigui cu e recorido di e antorcha encabesa pa e hoben atleta prospecto, Vera Elise Bakmeyer acompaña pa algun coredor mas.

A sigui cu e canto di e tono glorioso Aruba Dushi Tera y despues algun palabra di gratitud y exito di e presidente di AAF, sra. Virginia Dirksz.

Mas cu claro, a sigui cu e competencia mes den e diferente disciplinanan manera coremento como tambe tira bala, esaki den cada categoria di edad. Mas despues nos lo tin e resultado mas imagen di e competencia.

E campeonato nacional lo continua tur dianan aki te cu diabierna awor den Guillermo Trinidad na Dakota cuminsando pa 5.45 di atardi.

#297sports