Ekipo nobo di futbol, Master Boys U13 ta cla pa debuta den e campeonato di Arubaanse Voetbal Bond.

Dialuna anochi despues di training a tuma lugar e bautiso di uniform di un team nobo di U13 pa e campeonato AVB 2022/2023.

Presente Isnardo Faro den representacion di Minister di Deporte cu a hasi bautiso di nos uniform pa campeonato aña 2022/2023, hunto cu coachnan Urvin Kock (Head coach), Ryan Bregita assistant coach/ keeper trainer, mayornan y tambe full e team completo di Master Boys U13 a bautisa e uniform di e Cascabelnan Roos di Primavera. E bautiso a tuma lugar na Primavera Sport Club.

Master Boys U13 kier a gradici tur nos sponsernan cu a hasi esaki posibel kendenan ta El Chalan Aruba, Ruby's, The Hot Box, King Churro, R Vrolijk Enterprises NV y Free Spirit Printing.

Un danki especial tambe ta bai na nos Minister di Deporte su excelencia Sr. Endy Croes, Arubaanse Voetbal Bond , Fysio Actief Aruba, Praktijk Fysiotherapie M A J Maduro, Elite K9 Club, Guardians K9, Mario's Sportshop, Do it Center Aruba, Caymannan Di Rooi Afo, Urvin's Carwash, Kooyman Aruba y tambe Primavera Sport Club.

#297sports