Gihae Gymnastics a regresa cas cu 55 medaya conkista na Panama City.

Delegacion di Gihae Gymnastics a regresa cu hopi premio for di e Copa Candy Party cu a tuma lugar den e weekend ultimo di 1-4 september na Panama City, Panama caminda mas cu 700 participante a competi, 25 club di gimnasia tabata presente na e competencia y 6 pais a participa entre otro Ecuador, Colombia, Costa Rica, Guatemala, Panama y Aruba.

Diamars atardi, Club di Gihae Gymnastics a regresa Aruba cu hopi premio.

E 18 atletanan a logra di conkista un total di 55 medaya, incluyendo 16 medaya di oro, 15 di plata, 1 di brons, 7 medaya di 4 lugar, 8 medaya di 5 lugar, 1 medaya di 6 lugar y 5 medaya di Explorers. Tambe Gihae a logra obtene 11 trofeo cual 4 ta 1 lugar, 4 ta di 2 lugar, 1 di 3 lugar y 2 team na 1 lugar.

E competecian tabata uno di nivel y atletanan a sa di representa Aruba dignamente.

Un pabien grandi na e atletanan y entrenandornan Jimmy Palma Villegas y Himilice Casares Castillo pa nan tremendo preparacion y mas cu claro pa e mayornan cu ta para 100% tras di nan yiunan.

Pabien na nos muchanan y coachnan.

#297sports