PALABRANAN DI PABIEN NA EKIPO DI BRITANNIA CU A TITULA CAMPEON Y RCA SUB CAMPEON DI U11 LIGA ORO.

ORANJESTAD: Den un tremendo partido yena cu emocion a tuma luga final di U11 entre ekiponan di Britannia y RCA. Na final partido entre RCA y Britannia a caba sin anotacion y esaki a haci cu mester a bay over na e tiro di penalti. Aki ekipo di Britannia ta gana e serie di penalti 4 - 2 y logra e titulo den U11 Liga Oro. RCA ta keda na di dos luga. Un tremendo partido sin duda e dos keerpernan a luci durante henter e partido parando tur bala cu bini den nan direccion. Na final Minister di Enseñansa y Deporte, sr. Endy Croes den presencia di miembronan di AVB a haci entrega di e medaya y trofeonan na tur e ekiponan cu a triunfa.

E Mandatario ta gradici ekiponan, orgaisadonan, mayornan, boluntario y entrenadonan pa haci e campeonato di U11 liga Oro un exito. Semper cu deseo, disciplina, dedicacion y determinacion nos ta logra nos metanan. Masha pabien na ekipo ganado!