RDA ta lansa RFP Internacional pa Lease Strategico di Mondi Lora

San Nicolas, Aruba – April 7, 2026 – Refineria di Aruba N.V. (RdA) ta anuncia oficialmente

inicio di e proceso pa peticion (RFP) di lease y operacion strategico di e propiedad di

transbordo y deposito. E propiedad aki ta riba e tereno di RdA na e area conoci como Mondi

Lora na Zeewijk.

E iniciativa aki ta parti di RdA su orientacion strategico pa revitalisa e infrastructura di Aruba su

energia. E terminal ta ofrece un capacidad significante di 10.7 miyon bari (MMBBL) cubri pa 17

tanki como deposito, complimenta dor di dos lugar pa dok den awa profundo (RB-1 y RB-2)

capabel pa maneha carga grandi di crudo (ULCC).

E Oportunidad pa bid (RFP-RDA-2026-001) ta presenta dos opcion distinto pa inverti:

●

Opcion 1: Lease di e tankinan existente y e dos lugarnan pa dok den awa profundo

(TT-Asset-1).

Opcion 2: Lease di e terminal actual mas un expansion di e tereno di aproximadamente

118,978 m² (TT-Asset-2) pa futuro desaroyo di transbordo.

Impacto economico y cumplimento: "E actividadnan na e area di e tankinan mester por tin un

contribucion significativo pa e economia di Aruba y e mercado laboral”

, di acuerdo cu gerencia

di RdA. Proponentenan ta rekeri pa cumpli cu regulacion local, sancion di comercio

internacional, y e miho practica di e industria pa medio ambiente, salud y seguridad (EHS).

Periodo y registracion: Interesadonan mester registra nan interes atraves di un email pa e

Notaris apunta na RDS-RFP-2026-001@johnsonnotary.com

Tur esnan interesa mester manda un comprobante di pago di e registro. Informacion detaya y

documentonan tecnico lo wordo comparti una bes cu ricibi e pago di registracion. E Notaris

apunta lo tuma contacto pa duna mas informacion y tambe lo duna acceso na e documentonan

oficial di e RFP.

Ultimo dia cu interesadonan por registra ta 19 di Mei 2026 pa 5'or di atardi.