RECUERDONAN DI SERIE DEL CARIBE.

Scirbi pa Francisco Vrolijk alias Fico, historiador deportivo Arubano.

Un di e hungadonan mas grandi cu a yega di hunga den un Serie del Caribe tawata e astro Willie Mays cu na 1955 a bay Caracas cu e team Santurce di Puerto Rico. E di tres wega di Santurce contra Magallanes, empata na 2-2, el a bin na bate den ceramento di e di 11 inning cu Roberto Clemente coriendo na primera. Te na e momento ey e tawata tin 0 hit den 12 turno na bate. Riba un lanzamento di Ramon Monzant, su compañero den Gigantes, el a bati un bataso descomunal di homerun den centerfield cu a laga Magallanes den tereno. Despues di e homerun aki, den e otro tres weganan cu a sigui, ta solamente dos biaha nan a logra sak'e out. El a bati 10 hit den 12 turno y a yuda Santurce titula campeon. Imaginabo, e temporada di 1954 Willie Mays hungando cu Gigantes tawata e campeon bate y MVP di Liga Nacional y tambe a gana e Serie Mundial y sinembargo a bay hunga den e liga invernal di Puerto Rico. Un otro grandi cu a hunga e temporada di 1954-55 na Puerto Rico tawata Hank Aaron.

DI TEMPO BON, RECUERDONAN SO TA KEDA! #297sports