Rumanan Rebecca y Christiaan Jansen ta biaha pa Hulanda.

Nan lo competi den diferente caredanan na Hulanda y Alemania.

Christiaan despues di a subi podium den Triathlon na Santo Domingo y Puerto Rico ta cla pa midi forsa cu atletanan di Hulanda diadomingo awo.

Rebecca poco poco ta recuperando y lo participa den diferente caredanan di coremento entre nan un Trail Run na Alemania.

Esaki sigur ta duna e atletanan mas experiencia pa competi internacionalmente y asina yuda nan pa desaroya nan mes como deportista.

Danki na coachnan di Aruba Triathlon Nicolaas, Lucien y Glennon y tambe coach Ludwig di Train Hard Race Easy cu a yuda cu desaroyo di Rebecca y Christiaan.

Sigur un danki na Total Services, Bestial y Seaview Investments cu a copera cu nos atletanan y haci e biahe aki uno posibel. #297sports