Saudi Arabia ta prohibi pañannan y materialnan rainbow. Segun nan esaki ta promove Homosexualidad.

Atraves di un canal di television local na e capital di Saudi Arabia(Riyadh) nan a informa pero tambe mustra con oficialnan ta eliminando materialnan di multicolor (Rainbow).

Segun nan, tur locual cu ta contradici nan religion, fe y moralidad ta condenabel.

Nan ta di opinion cu e multicolor ta pa promove homosexualidad den e generacion mas hoben y esaki mester wordo prohibi na tempo prome cu ta laat.

Den un tweet e Minister di Comercio Majid al-Qasabi a pone cu nan ta vigilando den tur skina pa asina prohibi materialnan multicolor (Rainbow). E Minister tambe a expresa na reporteronan cu ta fasil pa bira emocional na algo cu ta hopi popular internacional. Pero lo bai hasi tur cos den su poder pa mantene e trend aki pafo di su pais.