President Trump ta suspende visa di imigrante pa 75 Pais. Cua paisnan ta afecta? Lesa mas.

Autoridadnan di Merca a bisa cu nan lo suspende e procesamento di visanan di imigrante pa aplicantenan for di 75 pais.

E suspension lo drenta na vigor dia 21 di januari y lo afecta aplicantenan for di Latino America y Caribe, e region di Balkan, y varios pais den Sur Asia, Africa, y Medio Oriente.

E cambio ta afecta solamente personanan cu kier biba na Merca permanentemente. E no ta aplica pa bishitantenan of personanan cu visa di corto plaso. Pero e movecion mas recien ta bin cinco luna prome cu Merca ta anfitrion di e Copa Mundial di FIFA hunto cu Canada y Mexico, na un momento cu un serie di medidanan drastico contra inmigrantenan, refugiadonan, studiantenan stranhero y aplicantenan pa visa a lanta pregunta tocante su actitud pa cu bishitantenan.

Segun Departamento di Estado, nacionalnan di e paisnan afecta por sigui entrega aplicacion pa visa di imigrante, pero ningun visa di imigrante lo wordo aproba of emiti mientras e pausa ta na vigor. Gobierno di Merca no a indica ningun fecha limite pa ki tempo e suspension aki por wordo lanta.

Un excepcion ta aplicabel pa personanan cu tin doble nacionalidad cu ta aplica usando un paspoort valido di un pais cu no ta inclui den e suspension. 

E suspension no lo aplica pa visanan di no-imigrante, temporal, di turista, of di negoshi. 

Cua paisnan ta afecta?

E lista di 75 pais ta inclui:

Afghanistan - Albania - Algeria - Antigua and Barbuda - Armenia - Azerbaijan - Bahamas - Bangladesh - Barbados - Belarus - Belize - Bhutan - Bosnia and Herzegovina - Brazil - Cambodia - Cameroon - Cape Verde - Colombia - Ivory - Coast - Cuba - Democratic Republic of the Congo - Dominica - Egypt - Eritrea - Ethiopia - Fiji - Gambia - Georgia - Ghana - Grenada - Guatemala - Guinea - Haiti - Iran - Iraq - Jamaica - Jordan - Kazakhstan - Kosovo - Kuwait - Kyrgyzstan - Laos - Lebanon - Liberia - Libya - Macedonia - Moldova - Mongolia - Montenegro - Morocco - Myanmar - Nepal - Nicaragua - Nigeria - Pakistan - Republic of the Congo - Russia - Rwanda - Saint Kitts and Nevis - Saint Lucia - Saint Vincent and the Grenadines - Senegal - Sierra - Leone - Somalia - South Sudan - Sudan - Syria - Tanzania - Thailand - Togo - Tunisia - Uganda - Uruguay - Uzbekistan - Yemen