TA FELICITA E ATLETANAN DI NATACION CU ACONKISTA 16 MEDAYA DEN CARIFTA AQUATIC CHAMPIONSHIP 2023

ORANJESTAD: Diamars merdia, Minister Endy Croes tabata presente na aeropuerto Reina

Beatrix pa ricibi nos ekipo di landamento y “open water” cu a regresa Aruba cu 16 medaya

for di e Carifta Aquatic Championship 2023. E campeonato a tuma luga di 7 pa 10 di april na

Curaçao. Alrededor di 24 pais a participa y Aruba a conkista di (7) shete luga “overall” di e

torneo. Minister Endy Croes ta felicita e atletanan cu nan excelente prestacion y logro.

Palabra di gradicimento y pabien na mayor- y coachnan como tambe na Aruba Aquatics

Federation pa sostene y apoya nos hobennan den competencia importante aki. Masha pabien

boso deseo cu disciplina, dedicacion y determinacion boso a logra! Aruba ta orguyoso di

boso! A gana 2 oro, 11 plata y 3 brons.