Un total di 6 entrenador di Aruba a ricibi nan B-Licence di CONCACAF.

Dialuna anochi durante di e recepcion unda a honra e seleccion Girls U15, AVB a probecha hasi entrega di e diploma di B-licence di Concacaf na e cursistanan cu a finalisa esaki cu exito. Den un combersacion cu un di e personanan encarga cu e curso estaq Epy Albertus e la conta nos cu e curso di B-licence ta un di e diplomanan di nivel mas halto otorga den Caribe na entrenadornan di futbol cu sigui esaki. Cocancaf pa algun tempo caba ta purba na exigi pa entrenadornan cu traha den e division mas halto di nan pais, mester tin alo menos un B-licence si nan kier competi den nan pais y den Caribe. Esaki lo yuda engrandese e nivel di futbol den nos region. Den futuro sercano esaki lo drenta na vigor.

E 6 entrenadornan cu a caba esaki cu exito ta e actrual coach di Girls U15, Milvienne Henriquez cu ta un di e poco entrenadornan femenino cu tin e licencia aki den Caribe. Tambe a ricibi nan diploma Fernando Tromp, Lerjan Casares, Emigene de Cuba y na Hulanda Leo Garcia y Patrick. E curso tabata bou encargo di Bert Schuurman hunto cu Johan Neeskens y Epy Albertus cu a coordina henter e proceso na Aruba. Minster Endy Croes y presidente di AVB, Randolf Lacle a hasi entrega di e diploma na e cursistanan.

Un pabien na nos entrenadornan cu a haya nan diploma di Licence B di Concacaf

#297sports