Fraccion di AVP ta apoya e homenahe na hobennan durante entrega di Copa HubenilFelipe B. Tromp

ORANJESTAD (27 di April 2025) – Na ocasion di Dia di Rey, fraccion parlamentario di

AVP a tuma parti den e ceremonia di premiacion di Copa Hubenil Felipe B. Tromp, un

evento cu ta reconoce e esfuerso y talento di nos hobennan den nan disciplina

deportivo.

E parlamentarionan ta sinti hopi orguyo pa por ta presente pa honra e hobennan cu a

demostra excelencia, determinacion y dedicacion den deporte. E ganadonan ta sirbi

como un inspiracion pa su generacion y pa comunidad henter. Nan logronan ta prueba

cu, cu trabou duro y pasenshi, tur cos ta posibel.

E fraccion di AVP ta kere fuertemente den importancia di deporte como un medio pa

desaroya liderato, disciplina y un sentido di comunidad entre nos hobennan. Esaki ta un

elemento esencial den formacion di un futuro positivo pa nos isla. Nos ta stimula tur

hoben pa sigui e ehempel di e ganadonan y pa contribui den manera positivo na nos

sociedad.

Ta gradici tur organisado y boluntario cu a traha posibel e evento aki, y nos ta spera cu

e ceremonia di Copa Hubenil Felipe B. Tromp lo sigui crece como un plataforma pa

motiva y premia talento hubenil Arubano.

E fraccion parlamentario di AVP lo sigui ta presente na acto cu ta pone e spotlight riba e

futuro di Aruba, nos hobennan.